kyun hai?

Koi yeh kaisay bataye ke woh tanha kyun hai?
Woh jo apna tha wohi aur kisi ka kyun hai?
Yehi dunya hai tu phir aisi yeh dunya kyun hai?
Yehi hota hai to akhir yehi hota kyun hai?
Ik zara hath barrha dein to pakkar lain daman
Us ke seenay main sama jaye humari dharrkan
Itni qurbat hai tu phir fasla itna kyun hai?
Dil-e-barbad se nikla nahin ab tak koi
Ik lutey ghar per dia karta hai dastak koi
Aas jo toot gayi phir se bandhata kyun hai?
Tum musarrat ka kaho ya ise ghum ka rishta
Kehtay hain pyar ka rishta hai janam ka rishta
Hai janam ka jo yeh rishta to badalta kyun hai?
Koi yeh kaisay bataye ke woh tanha kyun hai
Woh jo apna tha wohi aur kisi ka kyun hai?